Алексей Андреевич Уляшев

1910–10.12.1942

Уроженец с. Вольдино.

На Великую Отечественную войну призван 1 февраля 1942 г., рядовой. Служил в 28-й Невельской стрелковой дивизии.

Пропал без вести 10 декабря 1942 г. в Псковской обл.

«Книга памяти Республики Коми», том 3, стр. 282

Письма с фронта.

Привет, от вашего мужа Уляшева Алексея Андреевича здравствуй!   Добро-здорово, любимая жена Анна Егоровна, а также мои дети Миша, Маша, Боря и папаша Андрей Васильевич. Анна, я сегодня от вас получил письмо, которое было написано 2 февраля, (гижöма Сöпъя и Миша). Мне стало очень радостно, потому что узнал о вашей жизни и колхозной работе.

 Я, конечно, извиняюсь потому, что я очень редко пишу вам письмо, т.к. особенно писать ничего нет, а сегодня есть, потому что получил обмундирование (печень), вообще полностью пасьтасим, толькö эз на сетны шинель, но, навернö, регыд сетасны.

 Талун, 27.03. мöдöдi ассьым кöлуйöс: дубъя пась, пальто, шапка, дöрöм, гынсапöг, ноп волыс да гач тасма, брошкаяс, Ленин значок, юрси кутан (6 шт).

 Мишалы да Машалы месянь память, мед пондасны казьтывны менам локтöдз.

 Тайö письмöас мöдöда справка, медым пондасны сетны районсянь пособие.

 Аддзылi Котласысь Опонь Павел Иванöс да Öврам Иван Степанöс. Ми öнi коми мортыс сизимöн, а матысь, асланым районысь некод абу. Сэсся Анна гиж письмö, кодъяс усисны война вылас, кöнöсь вокъяс, гиж адрес вокъяслысь, кöн бать, уна-ö кыйис урсö тулыснас. Гиж быдтор. Кута виччысьны.

 Аски мöдöдчам практическöй занятие вылö вöрö, пондам овны палаткаын.

Аннюта, зэв ыджыд привет месянь Мишалы, Машалы, Борялы, отсовскöй привет, мед лоаныд здоровöсь.

 Висьтав привет ставлы: батьлы, Матрен чойлы, Иринь чойлы, Öньö Семенлы, Пётр Иосифовичлы, Еленалы, Сöпъялы, Пиялы, Саньöлы, тьöщалы, вообще ставлы, Коля жив, здоров.

Адрес: Котлас Арх.обл. п/я №

 Вердöм татшöм: 750 г. нянь куимысь лун: завтрак, обед, ужин.

17.04.1942.

Письмо от вашего мужа Алексея Андреевича

Добро-здорово!

 Здравствуйте Анна Егоровна, а также мои дети: Маша, Миша, Боря и папаша Андрей Васильевич.

 Ме заводита гижны кыв-мöд аслам олöм йылысь: талунъя лунöдз находитчи Котласын. Но талун апрель 17-öд лунö сöлам поезд вылö. Правда, ог тöд кутшöм направление вылö нуасны: секрет. Но, Анна, висьтав привет Митрей Иван гöтырлы аддзылi Котласысь Ивансö, недыр сёрнитiм. Вöлiны тшöтш Бадьёльсксаяс да Кырнышчи. Найöс мöдöдiсны нин водзö, лунвыв. Абу на пöлучитлöмаöсь весиг öти письмö, оз тöд нинöм гортса олöм йывсьыс. А ме пöлучитлi 2: гортсасянь и Егор Степанлысь, а öнi 15 лун кымын эг нин пöлучит письмö, точнö ог тöд нинöмтор гортысь.

 Воö гажа пöра, а ми мöдöдчам мöдарö, но коркö воас пöра локны гортö, кор помалам гырдöсь фашистöс, код издевайтчö миян священнöй сöветскöй му вылын, помöдз бырöдам, воам тыр победаöн тiян дiнö, тышкасям бöръя вир войтöдз.

 Сэсся, Анна, висьтав привет став рöдвужлы месянь: чойяслы, воис кö Рöман воклы, Еленалы, Сöпъялы, став рöдвужлы (батьлы).

 Ёна кутла челядьöс, дзигöдла да окала ставнытö, Анна. Коля здоров, тэнад верöс Алексей.

 Ёна гажöй бырö, Анна, тiянысь, зэв топыда кутла, окала! Виччысь туй вывсянь.

 Ыстывлi кöлуй, ог тöд пöлучитлiнныд энöй, воддза письмöас пукта 4 карточка. Адрес пока некутшöм абу.

Юöр гортö.

 Разрешитöй гижны письмö, тöдмöдны ставнытö аслам олöмöн, кöнешнö, колö извинитчыны меным, потому что зэв нин дыр эг ыстыв тiянлы письмö. Но ничего, п. что времяыс этша.

            Здравствуйте!

 Тайö письмöсö гижö Уляшев Алексей Андреевич.

 Олан-вылан, Александра Егоровна, а сiдзжö менам радейтана гöтыр Анна Егоровна и челядь Миша, Маша и Боря, папаша Андр.!

 Кöнешнö, гижа ставлы. Зэв ыджыд красноармейскöй привет и желайта здоровье.

 Саня, висьтав гортсалы тайö письмö вывсьыс гортсалы, мед пондасны тöдны, мый ме пока здоров на, миян дивизия öнi заводитiс тышкасьны 22-öд августсянь, толькö муыс вöрöшитчö лыйсьöмысла. Талун 27.08. мунö бой, 5 лун пöшти эг узьлы, потому что кыскала машинаöн раненöйясöс, 5 луннас 20 км. cайысь вайи 22 машина (160 морт). Тыр раненöйясыс, дзик нин йöй морт кодь. Уджалö миян батальонын 7 машина да ставыс кыскалö раненöйясöс. Сэсся асьныд арталöй уна-ö раненöйыс, вайи – 160 мортöс.

Письмо от вашего мужа Уляшева А. А.

Здравствуйте!

 Здравствуй, дорогая моя жена Анна Егоровна и моя семья Маша, Миша, Боря и также папаша Андрей Васильевич.

 Разрешите подчеркнуть пару слов: вас ознакомить с моей жизнью.

 Но я каждый месяц писал по 2-3 письма, а вы совсем забыли меня, но может нет времени; но всё же можно выделить столько времени. (Эг нин пöлучитлы 2 тöлысь письмö, ог тöд, может некод абу ловъя).

 Разрешит, Анюта, тöдмöдны аслам олöмöн. Кык кыв. Пока находитча воддза частьын на, удж татшöм: кыскала лун и вой раненöйясöс да больнöйясöс без престанно, но особенно август тöлысь вöлi зэв сьöкыд, мукöд пöраас 4-5 войöдз эг узьлы, ваялi воддза линиясьыс раненöйясöс. Унаысь веськавлiм лыйсьöм улö пулемётысь и пушкаысь. Но пока здоров на коли, водзö ог тöд. Сэсся август тöлысьö аддзылi Семён Вась Миколайöс да Опонь Павел Иванöс, а öнi аддзылi Выльгортысь Трöш Степан Павелöс, Митрей Иван вöлi ранитчöма да миян санбатын олiс нёль лун да бöр мöдöдiсны частяс, мунiс нин cправитчис. Гижантор менам эм, но оз позь.

 Анюта, челядьтö видз бура, сöстöма пасьтöд-кöмöд, особеннö Машаöс, потому что велöдчö школаын, эн кут, мед велöдчас только отлично вылö Маша.

 Привет всем! Маша, Миша, Боря, папаша, зэв ыджыд привет гöтырлы Анюталы.

 Виччысь. Воам тыр победаöн. Адрес важ. Пиши письмо.

 24 сентября 1942 год.

Здравствуй, Елена Митрофановна, зэв ёна шогсьöмöн гижа кык кыв, потому что менам муса вокъяс пондöмаöсь бырны, особеннö Роман, некодöс эг аддзыв нин кык во и сiдз и лоö аддзывтöг колльöдны муса вокъясöс Романöс, Николайöс, может и мукöд вокъясöс тожö ог аддзыв. Но нинöмтор, Елена, понды овны водзö, но ми локтам полнöй победаöн. Желайта здоровье Е.М., а также Л.Р., быдмы бать мозыд здоровöн. Желайта победа колхознöй уджын.

 27.03.1942.

Öти семьяысь витöн.

 Ыджыд победалöн юбилей кежлö материалъяс корсигöн сюрис 7 салдатскöй письмö копия, кодъясöс 1976–1977 велöдчан воö вайис Надя Уляшева, 2 класса велöдчысь, кор дасьтам вöлi «Некодöс ог вунöдöй, нинöм оз вун» стенд. Письмöяссö бöр сетi, а копияяссö кольöдi. Нёльыс –Уляшев Алексей Андреевичсянь, кыкыс – сылöн Николай воксяньыс, öти – Павел Анисимовичсянь.

 Став письмöыс волöма «юрöн мачасянiнсянь, вир шор визувтанiнсянь, пуля шер киссянiнсянь, морт яй сёянiнсянь», кыдз менам ыджыд мам бöрдлывлiс.

 Важöн нин кывлi ме тайö семья йывсьыс. Олiсны-вылiсны Вась Ӧндрей да Павел Таттян гозъя. Йöз дорысь гöля эз овны, но и ыджыд озырлун эз шедлы. Медыджыд озырлуныс вöлi, гашкö, уна челядьныс: гырысь, ён, мича туша-статя ныв-пияныс.

Кужисны уджавны, кужисны и юны-гуляйтны, тшöкыда пö Вась Öндрей пиян и карапужитчывлiсны. Тöдлiсны гаж и шог. Гöтрасьлiсны-корасьлiсны, семья лöсьöдлiсны.

 Медыджыд пи гозъяыс, Вась Öндрей Вась да Öлексей Сопъя, веськалiсны репрессия улö: колхозö пыртöмысь судитiсны да пуксьöдiсны Улыс Човйö, кöнi Вась и кулiс. Сопъя ки вылö квайт ныла-пиа колисны. Не кö Иринь ичиньыс, код тöдас мый на челядьыскöд и лоис: ачыс Сопъя кулiс война кадö.

 Мöд пиыс – Иваныс – водза-водз гöтырсö воштiс. Кык ныв дай пи ки вылас колины.

Öлексей медводдза шоперöн сиктас вöлi. А машинасö 1939-öд воын бур уджысь колхозлы ВДНХ вывсянь козин пыдди сетлiсны, кор «Вöр фронт» колхозöс Трудöвöй Гöрд Знамя орденöн наградитiсны.

 Меддзоля вокныс – Николай – срочнöй служба бöрас кольччис водзö служитны. Та йылысь сiйö гижö Ленинградсянь Öлексей вокыслы: «Оформитiсны 2 во кежлö. Служба бур: 6 час дежурита, 6 час – резервын. … Кор дежурство вылö пета войнас, 2-сянь 7 часöдз – занятиеяс: 4 час общеобразовательнöй, 2 – политическöй, öти – военнöй делö… Ола пока гажаа. Кыдзи дзоньвидзалуныс бать-мамлöн?» Корис гортсьыс семейнöй положение йылысь справка, мед босьтны паспорт. Гöтрасис. Эз тöд, мый татшöм гажа олöмыс сöмын 4-ö-5 во и лоö.

 Пансис ыджыд вир кисьтана война. Заводитчис колльöдчöм. Павел Таттян эз нин тöдлы тайö шогсö: кыз му улын нин куйлiс, а вот Вась Öндрей вывтi cтавыс мунiс.

 Яковöс да Миколайöс призывайтöны öти лунö – 1941 вося август 24-öд лунö. Яковöс гортсяньыс, Миколайöс (сержантöс) служба вывсяньыс, Ленинградсянь.

 2 тöлысь мысти война вылö босьтöны Романöс, ещö 2 тöлысь мысти – Иванöс, а 1942 вося февраль медводдза лунö – Öлексейöс.

 Öти семьяысь Рöдина дорйыны мунöны витöн, бöрсö воис сöмын öти –  Яков.

 Менам киын Öлексейсянь воöм письмö. Гижöма март 27-öд лунö роча-комиöн: «Добро-здорово, любимая жена Анна Егоровна, а также мои дети: Маша, Миша, Боря и папаша Андрей Васильевич.

 … Сегодня получил обмундирование. … Мишалы да Машалы месянь память, мед пондасны казьтывны менам локтöдз, мöдöдi талун, 23 марта, брошкаяс, Ленин значок, юрси кутан (6 шт). Тайö письмöас мöдöда справка, медым пондасны сетны районсянь пособие…». Гижöма, мый комисьыс найö сизимöн, мый аддзылöма Опонь Павел Иванöс да Öврам Иван Степанöс, мый аски нуасны практическöй занятиеяс вылö, мый вердöны куимысь лун, лун кежлö сетöны 750 грамм нянь; юалöма, кодъяс усьöмаöсь война вылас, кöнöсь вокъясыс, уна-ö урсö тулыснас кыйöма батьыс; ыстöма приветъяс чой-зятьясыслы, моньясыслы, воча чойыслы, Егор Саньöлы (гöтыр чойыслы)… Некодöс абу вунöдöма.

 4 лун мысти Öлексей гижö письмö Елена моньыслы: «…Менам муса вокъяс пондöмаöсь бырны. Сiдз и лоö аддзывтöг колльöдны муса вокъясöс: Романöс, Николайöс – может, и мукöд вокъясöс ог жö аддзыв». Сiдзи и артмис. Николай вокыс кулiс 1941 вося декабрын – 1170-öд эвакогоспитальын, дзебисны Пискаревскöй шойна вылö, Ленинградö.

 Сы йылысь гижлiс разведротаса комсорг К. Шомысов «Вöр лэдзысь» газетын: «Героизмлöн да мужестволöн» примерöн лоö Ханко полуостров дорйöм, кöнi активнöя участвуйтiсны миян землякъяс. Миян ротаын торйöн нимöдiс асьсö Н. Уляшев. 164 лун ми  дорйим Ханко, но эг вöчöй ни öти воськов бöрö. Ханко дорйысьясöс оз прöстö öткодявны Брестскöй крепостьын тышкасьысьяскöд. «Йöз некор оз вунöдны, кыдзи повтöм йöзлöн чукöр победа ради тышкасис сiдзи, петкöдлiс сэтшöм повтöмлун, кодi эз на вöвлы, – гижис Ханко дорйысьяс йылысь и «Правда» газет 1941 вося ноябр тöлысьö.

Öлексейлöн призывайтчан тöлысьö пöгибнитö Иван, кодi служитöма 11-öд стрелковöй дивизияса отдельнӧй лыжнӧй батальонын. Дзебöма сiдз жö Ленинградскöй обласьтын. Иванлöн колис куим сирöта: Юлий, Сия да Лина.

 Сэк жö вошис Шексна дорын Роман вокыс. Öлексей гижö сылöн гöтырлы да нывлы: «Желайта здоровье, Елена Митрофановна, а сiдзжö Лидия Романовна, быдмы бать мозыд здоровöн. Желайта победа колхознöй уджын».

 Мöд письмöсö гортас Öлексей ыстöма апрель 17-öд лунö: «Воö гажа пöра, а ми мöдöдчам мöдарö, но тöдам, коркö воас пöра локны гортö, кор помалам гырдöсь фашистöс, кодi издевайтчö миян священнöй сöветскöй му вылын, помöдз бырöдам, воам тыр победаöн тiян дорö, тышкасям бöръя вир войтöдз».

 А вот тайö письмöсö гижöма Александра Егоровналы (гöтырыслöн чойлы): «… Миян дивизия öнi заводитiс тышкасьны август 22-öд лунсянь, сöмын муыс сыркъялö лыйсьöмысла… Бой мунö 5-öд лун, ме пöшти эг узьлы: кыскала машинаöн раненöйясöс. 5 луннас 20 км сайысь петкöдi 22 машина – 160 мортöн, дзик нин йöй кодь. Миян батальонын 7 машина да ставыс кыскалöны раненöйясöс. Сэсся асьныд арталöй, уна-ö ранитчöмаыс».

 Та ногöн жö и гижöма мукöд письмöас; бара пасйö, кодъяскöд аддзысьлöма (Семен Вась Миколайöс да Опонь Павел Иванöс, Трöш Степан Павелöс да Митрей Иванöс); шуö, мый гижантор уна, но оз позь; элясьö, мый гортсьыс абу нин письмö волöма 2 тöлысь; тшöктö гöтырыслы челядьсö бура видзны, сöстöма пасьтöдны, Машалы велöдчыны сöмын «отлично» вылö; бара на кöсйö воны гортас тыр победаöн.

 Но тайö Вась Öндрей Öлексейлöн медбöръя письмö. 1942-öд вося декабр 10-öд лунö сiйö пöгибнитö. Та йылысь ми нин тöдмалiм «Паметь Книгалöн» 3 томысь, 282 лист бок вылысь. Та йылысь жö 1943 вося март 18 лунö Александра Егоровналы гижöма  Öлексейлöн ёртыс – Öнисим Павел: «… тэ юасьöмыд Öндрей Öлексей йылысь. Ми сыкöд олiм öти отделениеын пöшти кык тöлысь, найöс ыстiсны немечьяслысь дзот блокируйтны да сэсся Öлексей эз во. Сöмын вöлi колö немечьяс дiнöдз öти километр мунны, тыдалö ставыс. Кор немечьяс отступайтiсны, шойсö аддзöмаöсь, дзебöмаöсь бура. Но öнi виöмыс дзик нин збыль… Может, и ставсö виасны. Но воам кö гортö ловйöн, ставсö сёрнитам». Дзебöма Уляшев Алексей Андреевичöс Псковскöй обласьтысь Почерье сиктса шойна вылö. Маша, Миша да Боря сiдзжö колины батьтöг.

Öнi, кор ми сёрнитам Мария Алексеевна Уляшевакöд, шуö: «Ёна жö миянлы отсалiс ичиньным – Александра Егоровна. Кынöмыд кö тшыг – вердас-юкталас. Пасьтöдас и кöмöдас. Зэв бур вöлi и ыджыд мамöй, шонъянöй. Некодöс детдомö эг сетöй, да сiйö медся нин бур».

           П. Уляшева. Вöльдiн. «Парма гор» газетысь. 2000 во